شرين رضا في مرمي النيران بسبب "اللبنانيات" .. ما السبب ؟
اثارت الفنانة شيرين رضا الجدل عبر وسائل التواصل الاجتماعي، وذلك بسبب رفضها كثرة طلبات وتحضيرات العرائس في مصر ، مما أدى إلى السخرية منهم بشكل كبير عبر حساباتهم.
انتقدت شيرين رضا التبذير في تجهيز العروس بالكثير من الأشياء الباهظة والتي بعضها لا يكون لها استخدام، وكشفت بشكل غير مباشر عن مهرها من طليقها الهضبة عمرو دياب.
ونشرت صورة من جهاز احد العرائس، وكتبت في تغريدة عبر تويتر : "ايه الهبل ده!!! تبذير بدون اي معني غير الفشخرة الكدابة!! وعلي فكرة انا مهري كان ٢٥ قرش، لان الزاوج قائم علي الود والمحبة، مش كام طقم صيني وكام فوطة وكام حلة!! ده اللبنانيات ذات نفسهم منزلين هاش تاج تزوجني بدون مهر!! كفاية!! حرام!!".
استاء الجمهو من كلمة "اللبنانيات"، موجهين لها العديد من الأسئلة لتوضح معنى ما الذي تقصده، نظرا لان الحملة تحمل اكثر من معنى، وأعلن البعض الاخر السخرية من كلامها، وعلقت ب:" مهرك كان ٢٥ قرش علشان كده ما عمرتيش والجوازه باظت اسرع مما بدءت "،" ياستي اسكتي بقا"، "اللبنانيات ذات نفسهم؟ الكلمة دى تحمل اكثر من معنى واتمنى ميكونش تقصدى معنى مش كويس لان اللى وصلنى من التويتة ان اللبنانيات هى المرجع الأساسي فى الجواز والمصرية تتقاس عليها "،" يعنى ايه اللبنانيات نفسهم؟؟؟؟"،
" قصدك أن الستات المصريين ميسووش حاجة و أن اللبنانيين إلى أحسن منهم بيتجوزوا من غير مهر؟؟؟ "،" اللي عندنا غفر يعني"،" ثمن فستانين وشوزين براند يا فنانه"،"مستغربه اوي لما بتتكلمي علي المهر اللي هو حاجه اساسيه و هنجيب بيه حاجات مهمه و بالنسبه للافراح اللي في قصور في مراسي و هاسيندا مفيش تعليق ".... وغيرها.
في المقابل تفاعل معها عدد من الجمهور بالتأييد، معلقين :"قلة وعي للأسف"،" جهل و تخلف و الاغرب إن الأسر الفقيرة جدا هى إللى بتعمل كده"،" الجواز بقي صعب جداً ع الطرفين ياريت العادات دي تتغير بقي و نرجع للبساطه ".
ايه الهبل ده!!! تبذير بدون اي معني غير الفشخرة الكدابة!! وعلي فكرة انا مهري كان ٢٥ قرش، لان الزاوج قائم علي الود والمحبة، مش كام طقم صيني وكام فوطة وكام حلة!! ده اللبنانيات ذات نفسهم منزلين هاش تاج تزوجني بدون مهر!! كفاية!! حرام!! pic.twitter.com/habbUMjF78
— Shereen Reda (@ShereenReda) September 2, 2021
