ريم مصطفى: الطلاق وجعني وحزنت جدًا وهذه شروطي للزواج مرة أخري

أكدت الفنانة ريم مصطفى: "إذا أردت تكرار الزواج من جديد فالأمر سيكون صعبًا بالنسبة لي، وعمري ما هقبل الكدب والخيانة في أي راجل عايز يتجوزني.. أنا عايزة راجل بمعنى الكلمة".

وأضافت: "أنا بقى عندي وعي وإدراك ومقتنعة أن اللى هيجي ليشاركني الحياة ويسعدني يا مش عايزة أتجوز، أنا دلوقتي سعيدة بنفسي ومكتفية بنفسي وسعيدة بشغلي ومش عايزة علاقة تضايقني أو تدخلني في مشكلة".

وتابعت: "الطلاق بيوجع ويوم ما اتطلقت حزنت جامد وقلت لأمي لو مكنتش هزعل على أبو عيال وعشرة عمري هزعل على مين، وأنا جسمي بيتأثر بالزعل والمرض بيسيطر عليا".

واستطردت: "طليقي هو اللى وقف جنبي في موضوع التمثيل، وكان داعم لي في التمثيل وساعدني جدا ولولاه هو وأولادي مكنتش هعرف أكمل في التمثيل".

واختتمت: "أنا مع ولادي أم بجد وهما أصحابي جدا وعلاقتي بيهم لما الناس بيشوفوها حقيقي بيتخضوا ومش بيقولوا ماما بيقولوا رورا، ومش بعمل حاجة غير برأيهم لأنه بيهمني وهما اللى عاملولي اختبار الكاميرا في الأول".