"وحش الكون": "روحى رجعت بدعوة الناس ليه فى يوم عرفة"

قالت الفنانة ياسمين عبد العزيز إن يوم عرفة كان فارقًا لها في حياتها بفترة مرضها، حيث تبدل حالها بسبب دعاء الناس لها وتحسنت.

وأضافت ياسمين خلال لقائها ببرنامج معكم الذي تقدمه الإعلامية منى الشاذلي: لما نزل أحمد العوضي بوست مرضي مكنتش أعرف وكان يوم عرفة، وقاللي الناس قعدت تدعيلي، ونيفين صاحبتي قالتلي وأنا في العناية المركزة هدعيلك.

وتابعت: كنت حاسة إن بكره مش هبقى موجودة وروحي بتتسحب، وأول مرة أحس بشعور إني خلاص هموت، وقاعدة مبتحركش ومبتكلمش، لغاية لما جه يوم عرفة والناس كلها دعيتلي وكأن الدعاء كله كان من نصيبي، وبعد يوم عرفة طلعت من العناية المركزة في أوضة عادية وردت فيا الروح، من واحدة كنت بموت لواحدة سخر ربنا الناس كلها تدعيلي.