"يارب احسن خاتمتي".. ريهام سعيد تتعرض لأزمة صحية مفاجئة وتوجه رسالة مؤثرة لجمهورها
كشفت الإعلامية ريهام سعيد عن تعرضها لأزمة صحية، دخلت على إثرها لتلقي العلاج داخل غرفة العناية المركزة باحدي المستشفيات الخاصة.
ونشرت ريهام صورة لها من فراش المرض، عبر حسابها الرسمي على موقع تبادل الصور والفيديوهات "إنستجرام"، وعلقت عليها قائلة: "بقالي اسبوعين بعاني من كورونا والحمد لله الرئة اتأثرت واتحجزت في المستشفي من شوية".
وأضافت: "إحساس غريب وأنت عندك حاجة مميته بتراجع نفسك كتير وتحاسب نفسك كتير، أكيد غلطت لكن عمري ما قصدت كان دائما الغرض نفع الغير وإظهار الحقيقة".
وقالت: "شكرا يا رب على حبك ليه وشكرا على ابتلاءتك الكتير اللي بتدل على اهتمامك بيه، إذا كانت دي النهاية يارب احسن خاتمتي واحسب لي كل عمل عملته لوجهك الكريم يا رب أنت الوحيد إلى عارف أنا عملت ايه وكانت نيتي دائما ايه، استحملت وصبرت على افترا وظلم كتير، يارب اغفر لي وسامحني وخلي بالك من أولادي. إذا كان ده اختبار من اختباراتك ولسه في العمر بقيه يا رب اشفيني واقف جنبي وسهل عليه محنتي، أنا راضيه بأي شيء".
وتابعت: "نصيحة لكل واحد بيهاجم مشهور أو ناجح أنت بتاخد ذنب رهيب انتوا بتاخذوا من أعصابنا وصحتنا وكله على باطل، خلوا بالكوا الأذية دي وحشة اوي وهاتقعد لك في أعز ما عندك، ارجو الدعاء بالخير ليه أي كان هو ايه".
