بين السهل والصعب.. تباين اراء طلاب علمي رياضة في امتحان التفاضل والتكامل

الإثنين 02/أغسطس/2021 - 10:43 ص

انتهى طلاب الشعبة العلمية بالثانوية العامة اليوم الاثنين ٢ - ٨-٢٠٢١ من اداء امتحان مادة التفاضل والتكامل والذى بدأ في الساعة العاشرة صباحا لمدة ساعتين وانتهي في الثانية عشر ظهرا.

وقد رصدت الجمهورية اونلاين في جولة لها امام لجان الامتحان بمدارس القليوبية اراء طلاب علمي رياضة حول مستوى الامتحان وادائهم فيه.

وقد أكد بعض الطلاب على صعوبة الامتحان بينما رأى البعض انه في مستوى الطالب المتوسط، وان من الايجابيات ان الوقت كان مناسبا للاجابة عن الاسئلة.

وبشكل عام أكد الطلاب ان امتحان التفاضل والتكامل يعتبر أصعب مادة في امتحانات علمي رياضة.

قالت الطالب احمد ناصر : مش هقدر اقول ان الامتحان صعب لكن ممكن نقول انه فوق مستوى الطالب المتوسط واعتقد انه بشكل عام كويس وان شاء الله تكون درجاتنا فيه كويسة.

وشاركه الرأي الطالب احمد سمير : الحمد لله الامتحان كان معقول صحيح فيه بعض الاسئلة غير المباشرة لكنه يعتبر كويس والاهم اننا خلصنا امتحانات.

واضاف الطالب محمد مسعد : اعتقد ان امتحان التفاضل والتكامل يعتبر من أصعب الامتحانات عند طلاب علمى رياضة لان الامتحان كان ٢٥ سؤال منهم حوالي ١٠ اسئلة صعبة وغير مبتشرة و١٥ سؤال فوق مستوى الطالب المتوسط يعني مفيش اسئلة سهلة خالص.

وقالت الطالبة ندى اشرف : اعتقد ان الامتحان حتى لو كان اعلى من مستوى الطالب المتوسط فهو افضل من كل الامتحانات اللي فاتت وان شاء الله النجاح فيه مضمون.

ووافقتها الرأي الطالبة ايه : الحمد لله الامتحان كان كويس النهارده وفي مستوى الطالب المتوسط وكمان الوقت كان مناسب جدا.

واكد الطالب معتز عماد : انا رأيي ان الامتحان كان صعب لان حوالي ٨ اسئلة بس فى مستوي الطالب المتوسط وباقي ال٢٥ سؤال صعب جدا.