ميار الببلاوى ترد على منتقديها " كل ماقوم يوم أنام شهر "
تعرضت الفنانة ميار الببلاوي، للعديد من الانتقادات بعد نشرها نبأ إصابتها بقدمها عن طريق "ضلفة" الدولاب عليها، مما أدى لكسر في 4 أصابع من القدم، بالإضافة إلى خضوعها لعملية إزالة ظفر وإلزامها بالفراش.
ونشرت ميار صور الدولاب الذي سقط عليها، عبر حسابها الشخصي على ال فيسبوك، وعلقت قائلةً: “للي باعتنلي بيقولوا إنتي كل حاجة تهوليها إيه يعني ضرفة دولاب، طيب دي ضرفة الدولاب أداة الجريمة أمي بتحب الخشب الأرو والأوض العمولة وبتعتز جدًا بيها وبتقول دي بتعيش وملهاش دعوة الموديل اتغير ولا لا المهم ضرفة الدولاب محدش يقدر يشيلها ولا الأدراج ولا حتى ملة السرير والله الضرفه دى النجار بيجيب البواب وواحد كمان علشان يشيلوها".
واضافت الببلاوي: "أنا مبدعيش أنا تعبت من نومة السرير بقالي شهور كل ماقوم يوم أنام شهر مش قادرة اتحرك للي يعرفني يعرف إني أكتف جدا والله نفسي أقوم علشان أمي وإبني ومحدش بيخدم حد ومحدش بيستحمل حد يارب ماتحوجني يارب رضيت بقضائك بس لا أسالك رد القضاء ولكني أسالك اللطف فيه، ويا شمتانين أنا مباذيش حد ولا بغضب ربنا لأي سبب وشماتتكم فيا ربنا عالم بيها حسبي الله ونعم الوكيل".
