نيللى كريم : عملت بلوك لناس كتير فى حياتى

قالت النجمة نيللى كريم انها بتعطى فرص كتير للشخصيات التي أمامها و بعد كده بتعمل بلوك على طول و فى ناس كتير طلعتها من حياتى . 

وأضافت نيللى خلال حلولها ضيفا مع الاعلامي شريف الليثي ببرنامج " حوار اون لاين" ويذاع في الساعة ٥:١٠ قبل الافطار يوميا باذاعة الشرق الاوسط ، ان اكثر ما يشغل بالى و تريند فى عقلى انى بحاول ابقى ايجابية و لا ايأس ، و اقل حاجة بفكر فيها شغلى .

و تابعت نيللى كريم أن اكتر شيئ بتتكلم فيه مع اصحابها هى الاجازة لان كلهم بيشتغلوا ايضا ، و اكترحاجة تبسطنى فى الحياة عندما اشاهد بحر و سفر و جو لطيف ، و الاسترخاء بالنسبة لى يعنى السفر و الهروب من المدينة ، و انا بحب اروح اسوان ، الاقصر و الغردقة و بحب اسكندية جداً و ممكن اخد عربيتى اروح اكل اكله حلوه و ارجع .

وأضافت نيللى كريم انها لو حصل ليها موقف وحش بتحاول تنساه و لا تتذكره ابدا ، و انها مسامحة بطبيعتها ، و عندى لحظات كتير سعيدة فى حياتى و هى دى اللى بتخلى الواحد عايش .

وأشارت نيللى الى انها شخصية كتومة نوع ما ، و معنديش اسرار كتيرة و لو فى سر هيبقى مع صحبتى .

يذاع برنامج " حوار اون لاين" في الساعة ٥:١٠ قبل الافطار يوميا باذاعة الشرق الاوسط ويعاد في الساعة العاشرة صباح اليوم التالي