"عمرى ما بصيت لرزق مش بتاعى".. رسالة مؤثرة من روجينا قبل عرض بنت السلطان

حرصت الفنانة روجينا على توجيه رسالة لجمهورها قبل عرض مسلسلها الجديد "بنت السلطان" فى رمضان، كما احتفلت بتصدر أغنية "كان يا ما كان"، تتر المسلسل التريند.

وكتبت عبر حسابها على "إنستجرام" قائلة: "لكل مجتهد نصيب، عمري ما استكترت نعمة على حد، ولا بصيت لرزق مش رزقي، على طول كنت راضية حتى وأنا فى أصعب انكسارتي، كنت بشتغل بمنتهى الاجتهاد، كنت بفرح بنجاح زمايلي وكإنه نجاحي، وكان بيكفيني إنو يتقال عليا وش الخير".

وأضافت: "عمري ما طلبت من البشر، كنت بطلب من رب البشر وكنت واثقة فى ربنا لإنه العدل، وواثقة في موهبتي والجمهور اللي بيحبني وبيدعمني ولأني كبرت بيهم، فكنت واحدة منهم، دور ورا دور هما اللي كانوا سندي في المشوار، لغاية ما ربنا طبطب عليا والسنة دي بعد عمر ومشوار طويل، بحقق الحلم اللي عمري ما تخليت عنه".

وتابعت: "سعيدة بفرحة زمايلي ليا وده عوض كبير، لإنهم مؤمنين إني أستحق الخطوة دي، بشكر الجمهوراللي كلامه ليا طاقتي الإيجابية، هما الدعم والسند وهما بعد ربنا السبب في اللي أنا فيه دلوقتى".

يذكر أن مسلسل "بنت السلطان" بطولة روجينا، باسم سمرة، أحمد مجدى، سوسن بدر، بيومى فؤاد، ندا موسى، محمد مهران، محمود حجازى، نهى صالح، حسن أبو الرووس، تأليف أيمن سلامة وإخراج أحمد شفيق.