مى فاروق تخرج عن صمتها.. "الفن محتاج شِلل وصحوبيات وياريتنى ما حبيت الغناء"

أعربت الفنانة مي فاروق، عن ندمها لعشقها الغناء ودخولها المجال الفني.

حيث كتبت عبر حسابها على "فيس بوك" قائلة: أنا بحب الغناء أوي ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا.

وأضافت: طول عمري لا لي شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدًا.

وتابعت: "المجال ده محتاج شِلل وصحوبيات وأنا مش في الحتة دي ومبعرفش أتقرب من حد عشان مصلحة وطول ما أنا كده مش هقدر أوصل للي أنا عايزاه، ساعة الجد أنت اللي بتسعى وكمان بتحبط وأنا مفروض قوية ومش بستسلم ببساطة".

واختتمت، قائلة: "بس أنا قرفت وزهقت وقربت أكره الغناء نفسه اللي ربنا ميزني بيه وبفكر جديًا أبعد عنه تمامًا لأني فعلًا زهقت جدًا، وياريتني ما حبيت الغناء من صغري ولا كان لي فيه أصلًا".