فالباقي عشمان
كلمات: ميادة الشربيني
خزان أحزان مليان ع الآخر
والقهوه بطعم حنين على مر
والفرح ف يوم
لو حب يعافر ويلاقي مكان
حاله مش بيسر
الحزن وجوده
خلاه مخنوق
إحساس البهجه صبح مسروق
الفرح يحب الجو يروق
لو شاف البكا
ف طريق ماشي فيه
بيلف ويرجع
ولا تاني يمر
فضو الخزان
من حزن الفكره
وإشربو ف القهوه
مع حلو الذكرى
خلو الأحلام تملاه من بكره
عبوه م البهجه كمان وكمان
وإزرعو م الفرح مليون فدان
وإمشو إتنططو
فرفشو زقططو
وإن قالو مجانين
قولو أحلى جنان
مانا حد طبيعي
عايش ف ربيعي
وبكره يادنيا أكيد هتبيعي
وهنعيش فيكي
خريف إنسان
وإن جيتو للحق
العمر إتزق و القلب إنشق
بس أنا بردو
فالباقي عشمان
