صيت تنازل
كلمات: ميادة الشربيني
العطاء كتير يطمع
ناس بتاخد ناس تجمع
صيت تنازل عالي سمع
خلى كله جه عليك
إسمح إني أرد غيبتك
أيوه راجع لما سيبتك
شوفت صوره
باينه واضحه
والقلوب طمعانه فيك
راجع أرد عاللي باعك
عاللي حس بإمتلاكك
عاللي جرحك فالمشاعر
وإستغل فيك ميزاتك
المواجهه سيبها ليا
الصداقه بخير وفيه
والحكايه هى هى
قصه متعاده ف حياتك
مش زمان كنت سندك ؟
كنت بتخليني أدافع ؟
كنت عارف إن حقك
مش هسيبه وحق راجع ؟
سيبني أساندك
قلبي عندك
المرافعه مش جديده
ياما كنت فيها بارع
وانت ياللي عارف إنك
مش يهمك غير كيانك
جيت عليه
مفرقش عندك
إنه يتعذب عشانك
كان بيتقبل ظروفك
ملجأك ف وقت خوفك
ضاع بظلمك ليه وقساوتك
معنى مات مابين حروفك
كسر قلبه
كان سكاتك
كان أقل من حاجاتك
أيوه صدق إنه ماشي
إنه طالع من حياتك
إنت فاكره كون مسخر
بس لظروفك جنابك ؟؟
ياما خدت وقولت هات
قلبه بس إللي إنجرح
كنت قول إفتح إيديك
خد حياه وخد فرح
خد ف صبر كتير طرح
ياما للأوجاع شرح
بس قلبه هان عليك
زى مابعته
قلبه باعك
رافض حتى يعيش وداعك
ياما حضنه ليالي ساعك
كان فعتمة ليل هواك
وبالفراق
إنهارده ف نور صبح
