تامر حسنى يوجه نصيحى لجمهوره.. تعرف عليها
ووجه الفنان تامر حسني،نصيحة لمحبيه عن أهمية النجاح، معربًا عن سعادته الشديدة بالتفاعل جمهوره خلال مشوار نجاحه.
وكتب حسني عبر حسابه الشخصي على"انستجرام"فى رسالته، قائلًا: "نهاركم جميل زيكم، من كام يوم نزلت بوست تحفيزي ليكم عن النجاح والحقيقة فرحت أوي من استقبالكم للبوست، وسبحان الله حسيت ناس كتير كانت مستنية تسمع كلام زي دا، يا جماعة احنا في العصر الصعب دا بنواجه كمية حقد وغل وكراهية وطاقه سلبية مش طبيعية، لازم نرد عليها بالعكس لازم يكون في طاقة أكبر بترد على كل الإحباط دا".
وأضاف حسنى"الحقيقة إن أنا عندي بعض الخبرات في الحياة من خلال رحلتي المتواضعة أحب أوصلها ليكم، هحاول كل كام يوم اتناقش معاكم في موضوع أو اقترح عليكم حاجة بعملها دايماً، هبدأ بحاجة بعملها بإستمرار وعلمتها للمقربين مني ومواظبين عليها من سنين، وهي إنكم حالاً تستحضروا ناس في دماغكم بتحبوهم و تدعولهم بأسمائهم في ظهر الغيب بكل اللي يتمنوه".
وتابع نجم الجيل "كل فتره نكررها ونثبتها زي ما بنثبت حجات تانيه في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين، يلا بينا دعوات".
