طيف خيال

كلمات: ميادة الشربيني

لما جيت أرسملي صوره
عن حياتي ف الخيال
قبل ما تتعاش ف واقع
جه فبالي كام سؤال
هو انا هعيش سعيده ؟
الحياه هتكون جديده ؟
ولا هيعكرها ذكرى
مر فيها ضيق
ف حال ؟
قولت لأ ابتسم
وابتدي من غير تشاؤم
وارسم الصوره جميله
والإحساس جميل ودائم
وابتديت أشوف حياتي
زى ما بتمنى أعيشها
والإشاره
لقيت يمامه بيضا واقفه
ونافشه ريشها
قولت الله ع البدايه
شكلها حلوه الحكايه
خطوتين ولقيت عجوز
واقف على جنب ف طريق
الزمن خطط ملامحه
بس وشه جميل برئ
قام شاورلي وقال تعالي
قولت أساعده
حاله حالي
ابتدى بحوار سلام
والكلام بيجيب كلام
قولت له إنت عارفني
قاللي طبعاً
من زمان
بصلي وخد كف إيدي
وقاللي أبداً متخافيش
دا انتي أكتر واحده ممكن
ف السعاده يوم تعيش
قولتله تعرف منين
إنت جني أو مخاوى ؟
ولا دا بقا .. أكل عيش ؟
أكل عيش؟
هو انا طلبت حاجه ؟
ولا قلتلك فلوس ؟
ليه خيالك بس واسع
إوعي يتحول كابوس
اعتذرت وقلت كمل
كف إيدي إيه
إللي فيه
بس متخبيش عليا
قوللي زمني شايللي إيه
قال سعاده دايمه ليكي
طول م عايشه
وفيكي روح
بس شرط تعيشي وحدك
حب لأ صحبه لأ
لو فيوم القلب دق
كل شئ جميل يروح
قولتله يعني السعاده
واقفه على باب وحدتي
إيه قيمتها لما أمشي
وحدى بس ف سكتي ؟
لأ أنا هرجع لعقلي
مش عجبني طيف خيالي
إني أجرب بس
راق لي
بس أعيش بقلب خالي ؟
أسفه مقدرش أتسجن
بالسعاده ف غربتي