الفنان هشام جمال يعلن تعافيه من فيروس كورونا

أعلن الفنان والمنتج هشام جمال، عن سلبية مسحة كورونا وتعافيه من الفيروس، عقب ثبوت سلبية المسحة الأخيرة.

وكتب جمال عبر حسابه الشخصى على موقع التواصل الاجتماعى "إنستجرام" وتحديدا عبر خاصية "الاستورى" قائلا: "سلبي..الحمد لله..أخيرًا".

وقال هشام جمال ""في تجربة كورونا دي.. كان في ناس بتسأل عليا كل يوم كذا مرة، وناس سألت أول كام يوم لحد ماتطمنوا، وناس كانت بتسأل من وقت للتاني، وناس عملت الواجب مرة واحدة، وشكرًا ليهم كلهم أكيد".

وأضاف: "لكن يا مادي.. أنا فعلًا مش عارف أشكرك إزاي على تعبك إنت ونهى معايا، وأنا عيان وبجد مكسوف من كمية الطلبات اليومية، وكمية الأكل اللي نهى عملته واهتمامك وسؤالك وتحملك لمسئولية الشغل، وأنا مش موجود وإنك ساعدتني أعمل تقريبًا كل حاجة كإني موجود عادي".

وتابع "بالمناسبة شكرًا عمومًا على ال ١٠ سنين اللي فاتوا على شطارتك وتربيتك واحترامك وإلتزامك وتطورك وحبك ليا وللشغل، وطبعًا على كمية الضحك اللي ضحكتها بسببك".

واستكمل هشام جمال "أنا عارف إني عمري تقريبًا ما عبرتلك عن أي مشاعر في ال ١٠ سنين اللي فاتت.. لكن أنا فعلًا بحبك جدًا ومش متخيل السنين والرحلة دي كانت هتبقى عاملة إزاي من غيرك على كل المستويات يا مدووود".

وكان الفنان هشام جمال، قد اعلن عبر حسابه الشخصى "انستجرام" عن إصابته بفيروس كورونا قبل 5 أيام.