من غيرك لايمكن أكون
كلمات: ميادة الشربيني
تعرف إنى بحبك
لما تحس ببعادي
وبعشق لحظة جنونك
لما بتكره عنادي
وبعشق خوفك عليا
لو يتأخر ميعادي
تصدق لما أقولك
إنت المعنى لحياتي ؟؟
عارف بحبك ليه ؟؟
لأنى بحس الحب دا بس
إتخلق ليا علشانك
وبحس لكياني وجود
لما وجودى بيبني كيانك
بيمدني حبك بالقوه
وأضعف تاني
لما بتغمرني بحنانك
قوتي من حبك ليا
والأمان من الحنيه
والهدوء جوايا بيكبر
لما أحس خوفك عليا
بعاند وأكابر لأنى بحبك
بحب الجنون يبان ف العيون
وببعد ساعات لأنى بحبك
بحب إشتياقك ف لحظة سكون
وبرجع ألاقى مكانى بيكبر
ف قلبك حبيبى
ياقلبي الحنون
جمالك هدوءك ونظرة عيونك
تخلي إنتظاري ف بعدك يهون
وممكن أضحي ف لحظه بعمري
قصاد إني أشوفك وأملي العيون
دا شوق وإشتياق ؟
دا خوف م الفراق ؟
أو ممكن سعاده تؤدى لجنون ؟؟
لأ هرجع لعقلي
وقلبي إللي راق لي
وصورتك حبيبي
إللي جوه العيون
وأحضن ف قلبك
وأقوله إني عارفه
لا يمكن تبيعني
لا يمكن تخون
من غيرك حياتي
صعبه أعيشها
من غيرك أنا
لايمكن أكون
