الرجل الغامض

يوميات مهندس مشاكس

رؤية : تامر راغب

الوقت : مابين التاسعه والعاشره مساء

المكان : الطريق الدائري في بدايات افتتاحه

الزمن : من عده سنوات مضت

وانا علي الطريق الدائري و اثناء عودتي من العمل كنت اقود سيارتي ليلا والجو بارد جدا
وتهطل بعض الامطار الخفيفه

واذ بزجاج السياره الامامي يتشقق كله .

ضغطت علي الفرامل بحده بحركه لا اراديه .

الحمد لله لم تكن هناك سياره خلفي
بل لم يكن هناك احد اصلا
المكان مقطوع .

اديت اشاره يمين وركنت علي جانب الطريق بهدوء .

وفجأه وبدون سابق انذار شاهدت شخص يقف علي يساري لا اعرف من اين ظهر ومن دون ان ينظر الي قال لي انزل من العربيه .

نزلت من غير ما اعترض مش عارف ليه .

لقيته خلع الجاكت بتاعه وحطه علي ايده وقعد ينزل كل زجاج السياره الامامي المكسور تماما

وبعدين نزل الزجاج المكسور من علي الكرسي وقالي اتفضل .

ومن غير ما ينتظر ردي لقيته بعد ووقف علي جانب الطريق كأنه ينتظر مواصله .

اقتربت منه بالسياره وفتحت زجاج النافذه علي يميني وقلت له لو حابب اوصلك لاي مكان اتفضل .

فتح باب العربيه وركب جمبي .

كان شابا في العقد الثالث من عمره

ملامحه حاده لاينظر لي ابدا

واخيرا لايتكلم ولا يرد علي اسئلتي الا بكلمه او كلمتين .

وفجأه قال لي انا حنزل هنا

المكان كان مظلم جدا بس ركنت بالعربيه علشان ينزل .

توقفت بالسياره ولسه بقوله انا بشكرك تاني

لقيته نزل من العربيه وعدي الطريق
واختفي بجد كانه سراب

المكان اللي نزل فيه برضه كان غريب و كان مقطوع .

ابتديت احس بخوف ورعب

و بدأت اتحرك بالسياره

ولاول مره احس ان الهواء بالفعل بارد جدا
وظل الهواء البارد يلفح وجهي لانه لم يكن هناك زجاج امامي .

الاغرب اني مكنتش حاسس بالهواء ده وهو قاعد جمبي

هديت سرعتي لغايه ما وصلت مدينه نصر وقعدت ادور علي حد يغيرلي زجاج السياره الامامي .

ومازلت اذكر ذلك اليوم والموقف واتعجب .

اسعد الله اوقاتكم
ودمتم بخير