رسالة مهمة لمن يريد أن يفهم
بقلم : نورهان حشاد
موجه مسرح وأمين الإعلام بالحملة الوطنية لدعم الرئيس
لكل واحد شايف ان المؤيدين للرئيس السيسي عايشين في عالم تاني لا يا عم أنا هفهمك!
مش كل مؤيدين السيسي معاهم ملايين عشان ميحسوش بمرارغلاء الأسعار اللي انت حاسس به.
مش كل مؤيدين السيسي بيروحوا مؤتمرات الشباب اللي بتتعمل كل فترة في محافظات مصر.
مش كل مؤيدين السيسي على درجات علمية عالية فيهم ناس برضه بسيطة جدا.
مش كل مؤيدين السيسي أصحاب مشاريع وعقارات فيهم ناس أصحاب مهن بسيطة ولكن عارفين قيمة ومعنى الوطن.
ليس الفرق اللي بينا وبينك اننا بجد خايفين على البلد وعندنا استعداد ناكل عيش وملح ولا نكون لاجئين في مخيمات.
هيطلع فزلوك ويقولي الدولة بتساومنا على الأمن لا طبعاً الأمن والأمان ده حقك في بلدك لكن احنا بنمر بظروف صعبة جدا اقتصادية واجتماعية وسياسيةو المخططات تحاك لك من كل الأعداء فى الداخل والخارج.
طيب
هتسألني لحد امتى هنتحمل الكلام ده؟
هجاوبك
الرئيس بيعمل اللي عليه وزيادة وتقريبا الراجل ده مش بينام ومن حقك تختلف معاه في اي شئ لكن
تقدر تنكر أن الرئيس بيقضي على العشوائيات.
تقدر تنكر أن الرئيس بيحارب الفساد بكل ما أتاه الله من قوة.
تقدر تنكر شبكة الطرق القومية اللى جارى تنفيذها.
تقدر تنكر منظومة التموين اللى الحمد لله اتحسنت وبقت افض من الاول بمراحل ؟
تقدر تنكر مساكن الشباب اللى اتعملت واللى جارى انشائها فى جميع المحافظات.
تقدر تنكر إعادة تشغيل بعض المصانع اللى كانت مقفولة.
تقدر تنكر مشروع تكافل وكرامة اللى استفاد منة ملايين من الطبقة المطحونة.
تقدر تنكر القضاء بنسبة كبيرة على المرض اللعين فيرس سي.
تقدر تنكر مشروع المليون ونص فدان.
تقدر تنكر مشروعات الاستزراع السمكي.
تقدر تنكر أن قضى على مشكلة الكهرباء واصبح لدينا فائض.
تقدر تنكر تواصله مع الشباب من خلال مؤتمرات الشباب اعتقد ان مفيش رئيس دولة فى العالم بيعمل كده مع شباب بلدة.
تقدر تنكر ان الرئيس على المستوى الخارجي نجح في إعادة العلاقات الخارجية والتقارب مع دول الغرب وأفريقيا وأصبحت مصر لها دور إقليمي ودولي كما كانت من قبل.. طبعا الحاجات سالفة الذكر.
على سبيل المثال وليس الحصر وعشان تحس ان كل اللى بيعمله السيسي صح ولمصلحتك لازم يكون عندك شعاع نور فى ظلام داكن وخد بالك.
السيسي لما ارتدى الزي العسكري وطلع علينا يعلن ترشحه قال حرفيا انا مش معايه عصايه سحريه عشان أحقق احلامكم والبلد محتاجة شغل كتير وهنصحي بدري يا مصريين وهنتعب كلنا.
السيسي في كل لقاء أو مناسبة تلفزيونية بيطلع يقولنا أن البلد حالها صعب.. مضحكش علينا ولا قالنا انا من الهوا هجيبلكم 200 مليار دولار.
السيسي بيسلح الجيش وده اللي مانع عنك بلاوي كتير وكل الدول بتعملك حساب لأنك الان اصبحت قوة عسكرية لا يستهان بها.
السيسي محدش كاسر عينه ولا عليه فواتير لحد ولا جاي ينفذ أجندات وشوفنا في عهده وزراء ومستشارين وقضاء وضباط وكبار رجال الدولة بتتجاب صوت وصورة عشان محدش فوق القانون.
السيسي راجل ايده نضيفه عشان كده الناس اللي بتأيده مستحملة معاه للنهاية ومش هتفرق معانا.
السيسي بيعمل مشروعات تتعمل في عشرات السنين بيحاول يسابق الزمن لأننا تأخرنا كتير.
السيسي بيجيب حق اخواتنا اللى ماتت في سيناء واخواتنا بيموتوا كل يوم علشان يجبوا حقهم.
السيسي أخرجنا من تحت عباءة أمريكا واصبح لمصر استقلاليه في القرارات الداخلية والخارجية.
السيسي انسان شريف فى زمن عز فيه الشرف علشان كده مكملين معاك يا سيسي فنحن ذخيرتك وقوة معركتك وفقك الله لما يحبه ويرضيه.
