ساويرس: يوم واحد إجازة كفاية.. ورواد السوشيال ميديا: أنت مبسوط فى حياتك

غرد رجل الأعمال نجيب ساويرس على أحد مواقع التواصل الاجتماعي "تويتر": "صباح الخير على الناس الحلوة.. وربنا يقلل من إجازاتنا ويزود من شغلنا علشان نطلع لقدام".

أكد: "أدعو لمراجعة كل الإجازات ما عدا الإجازات الدينية.. لكن ممكن يوم واحد إجازة لكل الثورات مع بعض مثلا ".

ورد عليه عدد من المعلقين حيث قال حمدي سمير: "فيه بذخ مبالغ فيه في الإجازات في مصر، هجرة الرسول صلى الله عليه وسلم كانت من مكة للمدينة والسعودية لا تأخذ هذا اليوم إجازه ومصر تأخذه إجازة.. الإجازة في السعودية العيدين الصغير والكبير ويوم للوطن بس كدا طول السنة مفيش إجازات تاني".

اعترض حسين كامل مغرد آخر: "الناس محتاجة تفصل وترتاح عشان تقدر تعيش وتكمل، والكام يوم الإجازه دول مش هما اللي هيعطلوا الإنتاج والاقتصاد الناس دي مش مكتوب عليها إنها تشتغل زي الطاحونة وناس تانيه بتشتغل من البيت أو بالتليفون أو يومين في الأسبوع وتريح".

وهاجمته معلقة أخرى: "حضرتك مستخسر إجازة للناس بتتطحن في الشغل من غير أي رحمة ٩ ساعات بمرتبات حضرتك ممكن تكون بتصرفها في غدوة في ساعة هما بيشتغلوا شهر بحالة عشان يجيبوا ٣٠٠٠ في ظل أسعار غالية وعيشة غير آدمية وضغط من كل الاتجاهات ياريت نحس بالناس شوية من عشان أنت مبسوط في حياتك تبقي الناس كلها مبسوطة".