عبور الطريق

يوميات مهندس مشاكس

بقلم : تامر راغب

لاحظت ملاحظه غريبه في الآونه الاخيره الا وهي ان كثير قوي من الناس اللي بتعدي الشارع سواء رجال او نساء بيعرجوا وهم بيمشوا .....وبجد قولت اكيد في مرض بينتشر في الشعب المصري ومحدش واخد باله .

الي ان اضطرتني الظروف مؤخرا اني احاول اعدي الشارع والعربيات مش مدياني فرصه اعدي ومفيش حد بيصبر ......لغايه ما جت في دماغي فكره اني اعرج وانا بعدي الشارع وبدأت في التنفيذ ....لقيت فعلا العربيات بتهدي وبتقف لغايه ما عديت الشارع .

الحمد لله قلقت والله علي الشعب المصري من انه يكون في مرض خبيث في العظام بينتشر .....بس طلعوا اخبث خلق الله