السعادة..والتفائل
احيانا بتحس بانك عندك شعور باللامبالاه شعور بانك فاقد كل شئ فاقد كل حاجه عندك تبلد في المشاعر مش حاسس باي حاجه ولا في حاجه بتفرحك ولا حاجه بتخليك حزين.
كل الايام بقت شبه بعضها وده من كتر الضغوط اللي بنمر بيها كل الضغوط دي بتخلينا بعد كده يبقي عندنا عدم احساس باي حاجه ولا اي حاجه بتبسطك بترجع من خروجه حلوه او قعده جميله برده مش مبسوط عندك كل حاجه بس مش حاسس بيها ولا بقيمتها في حياتك.
حياتنا مليانه بمشاحنات في الشغل وفي البيت وفي الشارع الناس خلاص مش طايقه بعض الناس بقت غريبه عشان كده انت كمان مابقتش انت الإنسان الطموح الإنسان اللي بيخلق السعاده والتفاؤل خلاص مش قادر يدي اكتر من كده ماتخليش الشعور ده يتملك منك في ناس كتير حاسين بالشعور ده بس انا بقولكم بلاش الشعور ده يتملكك خليك إيجابي خليك مصدر سعاده وتفاؤل للي حواليك خليك زي ماانت ماتخليش حاجه تأثر فيك.
بقلم - صابرين جابر :
