ايه ده ملحقتش..

سمواتي

مش جاهز مش مستعد و يمكن مش قادر عالعتاب و الحساب و اللقى و الجنة او العذاب..
مجهزتش كنت فاكر لسة بدري لسه قاعد في الدنيا بسعى بجري..بحلم كتير و العمر يجري..
اقول بكرة و بعده و بعد سنة و سنتين..أتعب و ابني و احوش و اعمل حساب بعدين..
مقابلات اجتماعات مستقبل و ترقيات..شايف نفسك فين بعدين و أتاري عمري دول كانو فيه اخر ساعتين..
ملهاش حسابات و لا قوانين و لا مواعيد و لا استئذان..فجأة بيبقى آن الآوان خلص الامتحان اتسحبت ورقة اجابتك مدة امتحانك كانت بسنين عمرك..
و في لحظة متبقاش عارف هو ده الامتحان و لا ده كانت فترة مذاكرة للامتحان الكبير..امتحان يوم القيامة..قامت قيامتك يوم وفاتك و فاتك كتير تعوض من اللي فاتك..
و قامت و كنت ناوي تتوب..تعود..
و ملحقتش و محدش عمره هيلحق..من رحمته انه على جبينك مكتوب بس غير معلوم..
متعيطوش و متبكوش لينا معاد في أجل معلوم مجهول..
حضر نفسك..اعمل حسابك..فكر قلبك..يمكن يبقى على بابك..
طمن قلبك و ادعي لربك يحسن ختامك..

#سمواتي