السيسي يوجه الشكر للشعب المصري ..تحملتم بشجاعة اجراءات الاصلاح الاقتصادي وواجهتم الارهاب
وجه الرئيس عبد الفتاح السيسي كلمة مؤثرة للمواطن المصري أعرب خلالها عن شكره لتحمله إجراءات الإصلاح الاقتصادي التي أثرت على مستوى المعيشة، قائلا: "اسمحولي أتكلم عن الدور اللي الشعب المصري بيقوم بيه، لأن في كل مرة لما بتيجي فرصة بتكلم على الإصلاح والإجراءات اللي بنعملها، سواء كان إصلاحا اقتصاديا أو إصلاحا وبناء في منظومة الأمن لحماية الدولة من الإرهاب والتطرف".
وأضاف "السيسي" خلال كلمته في حفل تخرج الدفعة الجديدة من الكليات العسكرية والمعهد الفني للقوات المسلحة، الاثنين: "البطل في الحالتين هو شعب مصر".
وتابع "السيسي"، أن الأسر المصرية بالكامل هي من تقدم أبناءها من أجل مصر، ودور الدولة ينحصر في الرؤية والتوجيه وإيجاد السياسات.
واستطرد: "لولاكم يا مصريين مكناش هنقدر نتصدى لأقوى حاجتين بيقابلونا وهما الإرهاب وتدني الاقتصاد"، متابعًا: "إنتوا أوعى وأذكى أكتر من إن حد ممكن يخدعكم بكلام معسول".
وقال: "كل مرة هتيجي فرصة أتكلم فيها هقدملكم باسمي وباسم كل مصري شريف كل الشكر والتقدير والعرفان لكل إنسان ممكن أكون مش قادر أقابله وأقوله أنا بشكرك على تحملك بس مكانش لينا خيار تاني، عشان نعيش ونبني بلد عظيمة قوية وقادرة".
