سما المصرى ترتدى النقاب.. وتعلق " كده كده داخله النار"

نشرت الفنانة سما المصرى صورة لها مرتدية النقاب وعلقت عليها قائلة: "يلا هاطلع لايف هنا كمان ساعه بناء علي طلب الجماهير.. عشان فرق التوقيت بره مصر.. كله يجهز الفشار.. اجنن في النقاب.. اعري ولا اغطي؟.. اغطي ولا اعري؟ كده كده داخله النار.. اشوفكم هناك باه.. حبايب قلبي".

فيما لاقى المنشور تعليقات ساخنة من جمهورها الذى تهكم عليها وقالوا " احترمى نفسم يا سما مش لايق عليكى الوقار".. "بلاش هزار فى جنة ونار لكن من ناحية هتدخليها فانتى أول واحدة هتدخلى بإذن الله".. "والله بدعيلك ربنا يهديكى قبل ما تموتى وانتى كده".. "انتي داخله النار لاكن احنا ربنا معانا ويبعدنا عنها يارب".. "ربنا يهديكى بس واضح مفيش فايده".. "والله شكلك حلو بالنقاب بس برضو مفيش فايدة فيكى لو لبستى ايه".. "انتى بتهزرى فى جنة ونار اتجننتى ولا ايه".. "انتى مفيش عليكى حرج والله مجنونة بس ربنا يهديكى بقى".. " والله حلوة ودمك سكر بس كلامك سم وهزارك سخيف".