قبل الفلانتين بأيام.. حبيبة يرفعون لافتة "خليها تتقمص"
فى تطور لسريع لبعض الحملات أمثال " خليها تصدى " و " خليها تعنس " و"خليك فى حضن أمك " وبروح الفكاهة.. دشن مجموعة من الشباب حملة جديدة بعنوان " خليها تتقمص", قبل عيد الفلانتين بأيام قليلة, وذلك بعد ارتفاع أسعار الهدايا بشكل كبير، حيث وصل سعر الدبدوب من 200 الي 1000 جنيه بينما تبدأ اسعار الورد من 150 إلي 400 جنيه.
وعلق عدد كبير من المتفاعلين مع الهاشتاج وقالوا " ولا تتقمص ولاحاجة بلاها هدية.. أحلى محل بيتزا فيكى يا مصر واعزمها".. " ومنحتفلش بالفلانتين ليه لأ هنحتفل بس من غير هدايا هههههههه".. " مش لازم بوكية ورد يا جماعة على فكرة وردايا واحدة تكفى أحسن ما تتقمص".. " ما هى لو اتقمصت هتبقى ليلتنا احنا الرجالة سودا.. انزل يا بابا انت وهو فرحها واحتفلوا من سكات ومش لازم هدية البس لها أحمر وخلاص".. " يا جماعة البنات هبل على فكرة والله لو جبتلها وردة هتفرح وتسكت".. " والنبى لما الدبدوب يوصل 300 و 400 جنيه اتلفتن ازاى انا بقى".. " يا جماعة ده عيد حب حبوا بعض".
