نجم الزمالك السابق: معظم لاعبينا لا يستحقون ارتداء "فانلة الابيض"

فتح احمد عيد عبدالملك لاعب الزمالك السابق النار على لاعبى الزمالك بعد الخسارة من أرتا سولار فى الكونفدرالية.

قال "عيد عبدالملك " عبر صفحتة الشخصية على موقع التواصل الاجتماعي فيسبوك:هو كدة كدة ٨٠ ٪؜ من اللاعيبة الي موجودة دي متلبسش تيشرت الزمالك اصلاً.

وأضاف: ومع كدة بتلاعب فرقة علي قدها خالص و اديتك علي دماغك علشان متعالي ومش عارف علي ايه ده انتو خسرانين كل حاجة مفيش حد عنده نخوة علي التيشرت الي لابسه ده.

وأشار: ميزتك الي مخوفة الفرقة منك انك لابس تيشرت الزمالك بس مش امكانيات منك له و انتو اغلبكو قاعد علشان القيد مقفول بس .
وأكمل:بالاضافة للكباتن الكبار اصحاب الفرقة الي مسافروش علشان الفلوس والي هيقول مصاب يبقي بيهزر ومحدش بيتكلم عليهم كلمة .

وأتم: وانا الصراحة كمان اول مرة اشوف فترة اعداد ١٢ يوم بس لا ده هزار .

وتعرض الفريق الأول لكرة القدم بنادي الزمالك إلى هزيمة مفاجئة أمام أرتا سولار الجيبوتي بنتيجة 2-0 في المباراة التي جمعتهما، اليوم السبت، ببطولة الكونفدرالية الأفريقية فى المباراة التى اقيمت بينهما في تنزانيا ضمن منافسات ذهاب دور الـ32 من بطولة كأس الكونفدرالية الأفريقية.