عشرينية فى دعوى خلع: ريحته مقززة ومش بيستحمى

تحكى فتاة عشرينية من محافظة سوهاج، أمام محكمة الأسرة، مأساه زواجها، حيث تزوجت زواج صالونات، لتتفاجأ بعد الزواج بالحقيقة المرة، لتجد أنه لا طريقة للخلاص من زوجها سوى محكمة الأسرة، بعد كشفها حقيقته المرة وأنه غير نظيف، وريحته مقززة ولم يقم بأعمال النظافة الشخصية له.

بدأت حديثها قائلة: "ريحته مُقززة، مبيستحماش افضل ازن واقوله استحمى ينفض لي.. بشتري له منتجات اللي يشوفها يحب يستخدمها كل ساعة مش بصفة يومية بس.. هنقول ايه النضافة الشخصية دي طبع وع الأغلب وراثة".

وأوضحت أنها أقامت دعوى خلع على زوجها منذ أكثر من شهرين؛ لإرادتها الإنفصال عن زوجها (ر. م. م- ٣٣ سنة- مندوب بإحدى الشركات الخاصة)، نهائيًا؛ لعدم اهتمامه بنظافته الشخصية.

وأكدت ذي الـ 27 عامًا، أنها تزوجته منذ عامين، زواج صالونات عن طريق إحدى أقارب والدتها، ولم يكن على ما هو عليه الآن بل بدأت تظهر عليه تفاصيل عدم النظافة الشخصية عقب زواجهما بثمانية أشهر.

واستكملت حديثها قائلة: "بقيت احسه قاصد يقرفني منه.. يرجع من الشغل يغير هدومه ويتغدا حتى من غير ما يغسل ايده واقوله يا حبيبي مجهزة لك الحمام وعامله لك بخار وحمامات كريم وحاجات ميلاقيهاش في اجدع حمام بخار برا يرد بكل سخافه يقولي تعبان مش قادر".

"اتخنقت منه ومكنتش طايقه ريحتي حسيت ان ريحته طبعت عليا انا كمان.. النظافة الشخصية دي أهم حاجة في الشخص لو مش موجودة خلاص انتهى كل شئ.. الحمدلله ان ربنا ما اكرمناش بأطفال عشان مبقاش مطلقة وكمان في رقبتي عيل.. اهلي زعلوا مني ولحد دلوقتي محدش فيهم بيكلمني بس انا مش هقبل اعيش في مع واحد مش نضيف عشان أرضي الناس ع حساب نفسي".