فيفي عبده تكشف سر جملتها الشهيرة 5 أمواه وتؤكد: حزمني يا مميزة

أكدت الفنانة فيفي عبده: أنا بسمع عن موسم الرياض، ومكنتش متخيلة إن المستشار تركي آل الشيخ عامل الحاجات اللي موجودة، أنا تمنيت إن العالم كله يجي يشوف الرياض، وأنا بحب الشعب السعودي، وأتمنى إني أعمل مسرحية في موسم الرياض، والجمهور مجرد ما بيسمع صوتي بيعرفني لأن صوتي مميز.

كما كشفت فيفي عبده فى تصريحات تليفزيونية عن سر جملة 5 أمواه التي اشتهرت بها وقالت: كنت بقول لبنتي اعملي 5 أمواه للفانز بتوعي وبنتي خريجة الجامعة الامريكية وبجيبلها مدرس عربي عشان كلامها العربي مكسر، ومن ساعتها اتشهرت بالكلمة دي.

وتحدثت فيفي عن بدايتها الفنية قائلة: "حزمني يا" تنبأت بالنجاح بيها من قبل ما اعملها وقبلها عملت مسرحيتين بس توقعت أن حزمني يا هتكسر الدنيا و زي مسلسل كيداهم وقدمت فيفي عبده اللي جوايا للجمهور.

وأضافت: مسرحية حزمني يا كانوا بيجوا الناس ليها من كل مكان و بيجوا بالطيارت يحضروها ويسافروا وقدمنا فيها وجوه كتير ودلوقتي ابطال.

واختتمت: عملت ادور الام عشان اثبت وجودي من خلال الدراما وعملت ثريا أبو الفضل وكان فيها مي عز الدين وخيرية أحمد وطارق لطفي والحقيقة والسراب دخل مصر مفاجأة ومكنتش عارفة انه اتعرض وكنت بصيف مع ولادي ولقيت الناس بتكلمني وانا عرفت أنه اتعرض، والمخرج كان هيتجنن أن أزاي اعمل اول بطولة ليا وأكسر الدنيا بالشكل ده.