هندية لـ ياسمين عز: "دي كانت القشة اللي قسمت ظهر البعير"

قالت الفنانة هندية, عن حياتها الشخصية ولاول مرة عن زواجها من رجل الاعمال الشهير ايمن السويدى

وتحدثت هندية خلال لقائها فى برنامج اخر كلام مع الاعلامية ياسمين عز: "أنا اتجوزت رجل الأعمال أيمن السويدي ودي قصة معروفة جدًا، وأنا متجوزاه كان سايبني بشتغل عادي لمدة شهر، وبعدين قعدت سنتين ونص في البيت، وهو كان زكي جدًا وعمره ما قالي متنزليش الشغل، ولكن كان بيقولي أنا عايزك تقعدي معايا، ومرة جاب مياه ودلقها على شعري علشان منزلش.

وأضافت هندية: في مرة قالي انزلي بسرعة عايزك علشان بابا في المستشفى، ونزلت وأنا بالروب اللي كنت لابساه فوق بدلة الرقص، وقعدنا نلف في الشارع وقالي لأ أنا مزاجي إنك متشتغليش النهاردة، ودي كانت القشة اللي قسمت ظهر البعير، وقُلت له أنا معايا رجالة محترمة اللي هما فرقتي والناس اللي شغالة معايا، ودول ضهري وإخواتي ومش هينفع أطلع صغيرة قدامهم.