مصر السيسي قد الدنيا.. يتصدر "تويتر"

تصدر هاشتاج- مصر السيسي قد الدنيا- تريند موقع التواصل الاجتماعي "تويتر". تأييدا للرئيس عبدالفتاح السيسي. وتقديرا لما بذله من جهود خلال السنوات السابقة.

وحرص الآلاف من المصريين علي المشاركة في الهاشتاج من خلال التعليق عليه.

قال احد المغردين " كل التحية والتقدير والاحترام لكل مصري ومصرية بيدعم بلده ورئيسها حتي لو كانت الظروف صعبة وبيعاني في حياته من الظروف الاقتصادية اللي بتمر علينا لكن مصمم أنه بلده تكون بخير ولا عمره يفرط فيها مهما كان.

أضاف آخر قائلاً: "لو كل واحد وطني مصري اصيل بيحب بلده.. وضع صورة عن مشروع أو تغيير حصل في منطقته أو بلده او محافظته تخيلوا الهاشتاج ده هيبقي جميل وله هدف إزاي.. شاركوا وعرفوا العالم كنا ازاي وبقينا ازاي.

تابع آخر قائلاً: "مش ناقصنا أي حاجة عشان نتحول لدوله كبري. ملفاتنا الخارجية ممتازة. داخليا بقي عندنا بنية تحتية تجذب كل المستثمرين في العالم. ونسهل عليهم كمان جو الاستثمار. وده تاعبهم ومخليهم هيفقدوا عقلهم بس البلد ديه لازم تطلع لقدام.

قال آخر "عشر سنين تحامل وضغط علي الرياسة والدوله المصرية وبكل ثبات بنبني وبنعمر وبنسبق الزمن ومفيش قوة علي وجه الأرض هتعطلنا".

اختتم آخر مستشهدا بكلمة للرئيس قائلاً: "نحن مسئولون أمام الله وأمامكم يا مصريين وهنكمل التفويض ونقول كمان يا عرب عنكم جميعًا. نحن بفضل الله سبحانه وتعالي سنحمي مصر والمصريين وإرادة المصريين.. ده عهد زي ما أنتم أمرتم وفوضتم. وإحنا حريصين علي هذا الأمر" .