خبيرة أسرية تقدم نصائح لكل سيدة عاوزه تبقى "هانم فى نفسها "

نشرت خبيرة العلاقات الاسرية الدكتورة عطيات ابراهيم بعض النصائح لكل سيدة حتى تكون راقية فى تصرفاتها لينطبق عليها لقب " هانم"

1- متهزريش لحد ما تفقدي هيبتك. .المراة لابد ان تكون لها هيبة، لا تسمح لأحد بان يتجرأ على الهزار معاها .
2- اجعلى كلامك محدد وعزيز مثل فاكهة موسمية تروح لها النفس لما تغيب .. ابتعدي عن الكلام الغير هادف واجعلى كلامك مختصر وفي شكل نقاط مركزة.
3- مش عيب تقولى معرفش ، انت ليست مطالبة ان تكوني بنك معلومات .. ولكن عند الحديث لابد ان تكونى ملمه بالموضوع حتى يكون حديثك غنى بالمعلومات وشيق
4- لا تنسى طريقة جلوسك هي ثلث مظهرك .. مش لازم تتعوجي في قعدتك بس دايما خدي بالك من شكلها وعلى فكرة أقل الجلسات رقة هي " رجل على رجل" .. شوفي حاجة تانية أكثر نعومة واناقة خصوصا وسط اصحابك.
5- المراة .. ابتسامة .. مش اكتر من ابتسامة .. ولو حكمت يبقى ضحكة صوتها منخفض لكن ضحك المعلمين وضرب اليد اختراع ذكوري بحت .

6- ليس من الضرورى ارتداء لبس غالي .. كفاية تكوني بسيطة وريحتك حلوه ووشك صافي ومتجانس ومختاره اكسسوارات مناسبة لوقت خروجك وافتكري أن اصعب انواع الأناقة ابسطها .. اشتغلي على ستايلك كل فترة وعيدي ترتيب أولوياتك فيه.

7- اياك والحديث عن نفسك إلا إذا أطلب منك بسؤال مباشر .. لا تعليمك ولا ثقافتك ولا عيلتك ولا محلات الشوبنج بتاعتك تهم حد الا لو سأل عنها .. وياريت الإجابات تكون نبذة مختصرة علشان ميتقالش عليكي محدثة نعمه.

8- كوني لطيفة لا تغلطي فى حد الا في إطار ذوق ومجامل بلاش جملة الكلام ده غلط .. ممكن جدا تستبدليها مثلا أن الكلام غير دقيق .. الفرق كبير بين انك صريحة وانك قليلة الذوق.

10-وأخيرا كوني واثقة من نفسك ، لا تسمحلى لأحد ان يقيمك ومراعاتك لأصول اللياقة تكون لذاتك انت ولصورتك انت الراقية عن نفسك .. الأنوثة بتكمن في الرقي والاخلاق..