عمرو عبد العزيز يهاجم منتقدى حفل زفاف فراج وبسنت : اتمنوا الخير والفرحة للناس
هاجم الفنان عمرو عبد العزيز منتقدي حفل زفاف الفنان محمد فراج وزوجته بسنت شوقي، الذي أقيم أمس الجمعة، بأحد الفنادق الكبرى بسهل حشيش في الغردقة.
وكتب عمرو عبر حسابه الشخصي بموقع التواصل الاجتماعي فيسبوك، قائلًا: على الناس المريضة اللي بتكتب كلام وحش شبه وشهم كده على فرح فراج وبسنت.. ليه يا جماعة الناس بتكتب كلام وحش.. لتقل خيرا أو لتصمت بدل ما تقولوا ربنا يسعدهم أو تتمنوا لهم الخير.
وأضاف : ليه بتقولوا كلام زي ده على 2 في يوم فرحهم وتقولوا كلام يجرحهم.. تخيلوا كده لو يوم فرح ابنك أو أخوك أو بنتك وحد كتب كومنت زي اللى انتوا كاتبينوا ده وانتوا جيتوا بعد كده شوفتوه هيبقى إحساسكم إيه وقتها.. مانجرحش الناس وندايق الناس لو سمحتوا.
واختتم عمرو عبد العزيز: اتمنوا الخير والفرحة للناس.. واحد وواحدة فرحانين أن ربنا كرمهم واتجوزوا بعد تعب ومجهود سنين.. بجد الناس بقت وحشة قوي والخوف منهم بيزيد يوم بعد يوم.
