رئيس مجلس الإدارة
طارق لطفى
رئيس التحرير
أحمد سليمان
(إوعوا تنسوا)
إوعوا تنسوا اللى كان خاربها
إوعوا تنسوا الكدابين
إوعوا تنسوا اللى كان ناهبها
وكان خادعنا باسم الدين
أو تنسوا برضه اللى مات عشانا
أو تنسوا مين اللى كان امين
أو تنسوا مصايب جيرانا
أو تنسوا المتنطعين
----------------------
إوعوا تنسوا اللى جرالنا
لما كنا مخطوفين
إوعوا تنسوا وضع حالنا
كنا فين وبقينا فين
ولا الشخص اللى جالنا
كان عاوزنا مغيبين
بس ما قلناش واحنا مالنا
ونزلنا كلنا يوم تلاتين
----------------------
مصيبة لتكونوا نسيتوا
لما كنا مرعوبين
وكلنا بيحرس فى بيته
من ولاد النصابين
والخاين باعنا وياريته
قبض .. ده باعنا لغدارين
مصيبة لتكونوا نسيتوا
مصيبة.. تبقوا نسايين
-----------------------------
صدقوا اللى تشوفه عنيكوا
ما تسمعوش خاين لعين
بعقولنا هنحكّم ونفرز
مين اللى خان..مين الأمين
وفينا عين تقدر تميّز
مين حمانا م الغدارين
فات اوان تغييب عقولكم
راح زمان المغفلين
---------------------------------
من إمتى كان خاين بينصح؟
من إمتى كان حاقد امين؟
من إمتى كان فاشل بيفلح؟
مين يصدق كدابين؟
كل ما بنتعب هننجح
بفضل رب العالمين
اللى باب خيره بيفتح
قدام عباده المخلصين
----------------------
استحملنا كتير وهانت
بكره نجنى تعب سنين
أدينا شفنا بلدنا كانت
خرابة ف ايدين نصابين
بس فى اللحظة اللى حانت
ربك بعت منقذ أمين
ضرب الديابة اللى خانت
ورجع بناها ف عشر سنين
