رئيس مجلس الإدارة
طارق لطفى
رئيس التحرير
أحمد سليمان
"خليكى فى نفسك والتزمى الصمت".. رد نارى من لقاء الخميسى على متابعة هاجمت غير المحجبات
حرصت الفنانة لقاء الخميسي على الرد على سيدة هاجمت الفتيات التى لا ترتدى الحجاب.
حيث كتبت السيدة عبر حسابها على "فيس بوك" قائلة: "لو عيل من عيالي فكر يقولي هتجوز واحدة بشعرها أو مطلقة أو مدخنة هامسح بيه الأرض.. كفاية الستات والأمهات اللي بشوفهم يوميًا زي الصورة دي وبتخض على مستقبل بناتهم اللي أكيد هيقلدوهم.. معرفش ليه بتكرهوا الحجاب كده".
وردت لقاء عليها قائلة: "يا أستاذة هالة.. يومك جميل إن شاء الله.. للأسف الشديد أنا سمحت لنفسي أخد البوست بتاع حضرتك من غير استئذان ودا مش صح بس عشان أقول لحضرتك كلمتين ياريت تقريهم كويس".
وأضافت: "مش من حقك حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، ومش من حقك أصلا تختاري ولادك لأن ليهم الحق في الاختيار، ومش من حقك تحكمي على أخلاق الناس وحياتهم لأنك مش واصي ولا ولي، فياريت حضرتك تخليكي في نفسك وتطوري من نفسك وتغضي البصر لو مش عاجبك الصور".
وتابعت: "دعي الخلق للخالق، كل حي أدرى بحياته واختياراته وعليكِ احترامه والتزام الصمت شكرًا ويوم سعيد".
اترك تعليق