رئيس مجلس الإدارة
طارق لطفى
رئيس التحرير
أحمد سليمان
رمضان.. فرصتك تبطل التدخين للأبد!
رمضان هو التحدي الحقيقي لإثبات إنك تقدر تتحكم في عاداتك. أنت أصلاً بتوقف التدخين ساعات طويلة وقت الصيام، فليه ما تكملش؟ اعتبرها بداية جديدة لحياة أنقى، صحتك هتتحسن، ونَفَسك هيبقى أقوى، وفلوسك مش هتضيع على حاجة بتضرك. قال تعالى: "ولا تلقوا بأيديكم إلى التهلكة" (البقرة: 195)، فمتخليش التدخين يكون سبب في هلاك صحتك.
وتوضح وزارة الأوقاف أن رمضان.. فرصتك تبطل التدخين للأبد!
خد القرار ومتتراجعش!
التدخين مش مجرد عادة، ده قيد بيمنعك من حياة صحية وسعيدة. سيدنا النبي ﷺ قال: "لا ضرر ولا ضرار"، ورمضان هو فرصتك الذهبية للتحرر منه. أول يوم هيكون صعب؟ طبيعي، لكن مع كل يوم هيبقى أسهل، والنتيجة تستاهل. توكل على الله، فهو القادر أن يعينك، قال تعالى: "ومن يتوكل على الله فهو حسبه" (الطلاق: 3).
ابدأ النهارده.. وعيش بكرة أفضل.. ورمضان الجاي تحتفل بانتصارك!
خدها خطوة بخطوة، استعن بالله، وخلي إرادتك أقوى من أي عادة. صحتك، أهلك، حياتك.. كلهم محتاجينك بصحة أحسن، ورمضان هو البداية!
اترك تعليق