وسط البلد منطقة براقة وساحرة..
الحركة المرورية فى انسياب ولا زحام
المواطنون تنزهوا فى جولة على الأقدام..
بعيدا عن حرارة النهار
تسوقوا ودخلوا السينمات وتناولوا المأكولات..
وتبادلوا الضحكات وحلوا بالحلويات

اختتمت "الجمهورية أون لاين" جوالتها فى رابع أيام عيد الأضحى برصد مظاهر الفرحة والبهجة بالقاهرة، والتى جاءت كعادتها براقة وساحرة وزاد عليها الجمال بهدوء الحركة وعدم الزحام وانسياب الحركة المرورية، ورغم ارتفاع حرارة الشمس وسط النهار، ولكن  تواجد العديد من المواطنين كبار وصغار والجميع سعيد وفرحان بالترجل وسط شوارعها الساحرة فجعلوها جولة لتنزه ودخول السينمات الشهيرة بالمنطقة،

تصاحبها شراء الملابس من أشهر المحلات، وكذلك تناول المأكولات داخل بعض مطاعمها ثم التحلية من أكبر أسماء محلات الحلوة، وأما من ليس لهم حظ في الأجازة  مثل بائع الفول والبليلة، وشرطى المرور، وعامل النظافة، فكانت السعادة ترتسم على وجوههم أيضا بل وتبادلوا الابتسمات مع الجميع وقالوا عيدنا فى فرحة نشاهدها على الوشوش مهما كان الشقا.

شباب قليوب في وسط البلد

محمود مرمر ويحيي أحمد أصدقاء من قليوب جاءوا وسط البلد لدخول السينما والتنزه في شوارعها وما زال لهم جولة ضمن خطتهم للتجول بشارع المعز وسط أجواء العيد.

يلا فول وبليلة بالقشطة

عم علاء جمال وابنه سيف لم يهنأ بأجازة العيد قال من تانى يوم نزلنا، شقيان على عربية الفول والبليلة من 18 سنة، مافيش عندنا أجازات لازم ننزل نسعى على أكل عيشنا عشان نأكل الناس ونأكل العيال.

.. ونشوف الناس الحلوة

عم محمد سعد بيصلح الأحذية ترك بيته وأولاده فى العيد وفتح محل أكل عيشه قال بنشتغل فى العيد عشان نشوف الناس الحلوة مافيش أجازة فى المواسم واحدة كعب حذاءها اتكسر نصلحه واحد مسافر محتاج يخيط حذاءه نرجعهوله سليم.

فرحان رغم الشقا

عامل الشاورما فرحان رغم الشقا قال العيد وسط الشغل والناس وسط البلد له طعم تانى الاجازة تتعوض.

الرزق يحب الخفية

يوسف سيد بائع ملابس وسط البلد العيد مافيش أجازات الناس بتشترى وهى بتتفسح فى شوارع وسط البلد بتنزل عشان نُرزق

يا درة مشوى.. مين يشتريك

جلال جمال طالب جامعى تالتة كلية تجارة كان أجازة أول و ثانى يوم العيد واليوم نازل لشغله فى شارع الشواربى بياع فى محل ملابس.. وأول يومين فرش درة مشوى ورزقت والحمد لله.

قلبك نضيف يا صاحب الفضل

عامل النظافة واخد كل أسبوع العيد شغل فى جمع المخلفات من شوارع وسط البلد وهو صاحب الفضل فى جعلها نظيفة وبراقة.

بلد الأمن والأمان

سامي عمر سودانى الجنسية استظل تحت شجرة بميدان الأوبرا لم يبرحها ليس فى العيد فقط ولكن منذ 6 أشهر بيقول مصر بلد الأمان كل سنة والمصريين بألف خير.

اسكيت ورز بلبن

عمار عبد السلام ومحمد سيد أصحاب جاءوا من البراجيل لشراء رز بلبن من أشهر محلات وسط البلد بكل فرحة قالوا هنتمشى فى شوارعها الجميلة ونلعب اسكيت وسط البلد كلها حلوة.

دبحنا الخروف وأخذنا العيدية

مازن وحلا وهنا أبناء خالة فرحانين بالعيد دبحنا الخروف وخدنا العيدية وروحنا الملاهى.