رئيس مجلس الإدارة
طارق لطفى
رئيس التحرير
أحمد سليمان
شيرين رضا تكشف عن تعاوتها مع دينا الشربينى
تحدثت الفنانة شيرين رضا، عن تعاونها مع الفنانة دينا الشربيني في حكاية "ولو بعد حين" من مسلسل حدث بالفعل، المقرر عرضه قريبًا.
وقالت شيرين رضا خلال لقائها فى برنامج ET بالعربي: أنا مش أول مرة أتعاون مع دينا الشربيني قبل كدا عملنا فيلم اسمه كدبة كل يوم، وليه الناس تستغرب؟ إحنا صحاب من زمان ودي فرصة حلوة أننا نشتغل مع بعض تاني.
واضافت رضا: لم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة؛ لأن كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني.
وتابعت رضا: هنكون أنا ودينا الشربيني أخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء.
اترك تعليق