مدرب الزمالك السابق يفجر مفاجأة .. الفريق يحتاج 9 صفقات على الأقل

يرى أمير عزمي مجاهد مدرب نادي الزمالك السابق أن الفريق في حاجة لإبرام 9 صفقات جديدة على الأقل لتدعيم الفريق.

وقال أمير عزمي في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "عندنا ازمة كبيرة في نادي الزمالك في مركز 6 ومركز 8".

وتابع "مع وجود بعض اللعيبة مش هقول ميلعبوش في الزمالك، بس في لعيبة ممكن تكسر الدنيا في اي نادي لكن في الأهلي والزمالك الموضوع مختلف".

وأضاف "الزمالك محتاج تدعيم كبير جدًا، الفريق محتاج مش أقل من 9 صفقات في الانتقالات القادمة".

وواصل أمير "لازم يكون في فئات في العقود، لازم يكون في 3 فئات، فئة دولية وفئة لاعب كويس لكن مش دولي، وفئة أقل حاجة".

مختتمًا تصريحاته "لازم يكون في سقف رواتب في الفريق، لو انا حاطط اعلى عقد بمبلغ وانت ميسي هتيجي تاخد أعلى عقد عندي مش هزود عليه".