رئيس مجلس الإدارة
طارق لطفى
رئيس التحرير
أحمد سليمان
حكاية " قلم" والدة هنا الزاهد بسبب قصة حب
تحدثت الفنانة هنا الزاهد، عن طفولتها ,وموقف ضرب والدتها لهابالقلم في الشارع بسبب قصة حب بالجامعة.
قالت هنا الزاهد هلال لقائها مع الفنانة اسعاد يونس فى برنامج " صاحبة السعادة": "أنا كنت شاطرة طول عمري في المدرسة بس في آخر سنتين لما زهقت من المذاكرة قررت اقعد مع زمايلي الفاشلين اللي ورا خالص اللي هما مش بتوع مذاكرة ولا في دماغهم دراسة وقتها ارترفدت وأنا في آخر سنة لمدة أسبوع واتعمل ليا استدعاء ولي أمر".
واضافت هنا الزاهد : "أمي ضربتني مرة بالقلم في الشارع وكان قلم جامد، وقت الجامعة كنت بدأت في قصة حب وحبيت واحد زميلنا وكان جميل ومؤدب وكنت مكسوفة اقول لماما فكدبت عليها ودي كانت أول مرة اكدب عليها في حياتي".
وتابعت هنا الزاهد:"روحت قعدت مع الشخص اللي كنت معجبة بيه في كافيه عبر وسيط اللي هي هند زميلتنا، والشخص ده خدني وصلني بالقرب من مكان أمي كانت منتظراني فيه وأمي وقتها شافتني وكانت نظرة عينيها طالع منها نار ولما سألتنا عن القصة كدبت فضربتني بالقلم وقلت لها كنت مع أدهم يا ماما واتعرفت عليه وكنا قاعدين في كافيه، طلبت رقم تليفونه وكلمته وقالت له لما تحب توصلها تجيبها لحد البيت ومن وقتها بقيت أحكي لماما عن كل حاجة".
اترك تعليق