مصطفى أشرف فهمي: شقيقتي جالا فهمي "مستحملش الدنيا" ومتعزش عن اللي خلقها

أكد مصطفى أشرف فهمي شقيق الفنانة الراحلة جالا فهني أنها رفضت الكثير من المسلسلات في السنوات الأخيرة قائلًا: "كانت بتقولي سيب الجيل الجديد ياخد حقه، وأنا مرتاحة كده، وكانت بتحب كل الجيل الجديد".

وأضاف إن علاقتها بالوسط الفني لم تنقطع واستمرت في التواصل معها حتى فارقت الحياة: "كل مصر عزتني، كانت أختي وإنسانة نضيفة وقلبها كبير ومستحملش الدنيا، هي وبابا قلبهم أبيض من الدنيا"، متابعا : "مسابتش وصية، لكنها كانت بتوصينا إننا نحب الدنيا ونختار الوقت الأمثل للابتعاد وإننا نمشي في الوقت الصح، وكانت قارئة جيدة ومثقفة جدا".

وتابع: "كانت بتتعامل مع الدنيا على إنها بسيطة جدا، وكنت باخد رأيها في كل حاجة، ومش بصور حاجة إلا لما تكون أول حاجة تشوفها، وكانت بتشجعني بخطوات ثابتة، وكان أخر هذه المسلسل suits بالعربي مع آسر ياسين وأحمد داوود، وأتمنى إننا نبعد عن الكلام عن الاكتئاب .. ده كلام مش حقيقي وشائعات وخيال واسع أوي من ناس منعرفهاش".