اشرف السعد لمحمد رمضان : "كان عندى 7 مليارات دولار وماجبتش فرشة اسنان ذهب"
وجه اشرف السعد رسالة الى الفنان محمد رمضان عقب نشره صورة معجون اسنان وفرشاة ذهب 24 قيراط.
وكتب السعد على حسابه بمواقع التواصل الاجتماعى:
والله يا استاذ محمد رمضان سنة 1985 كان تحت ايدي انا والريان سبعة مليار دولار يعني ميزانية دول كتيرة وماكنتش اعرف ان فيه فرشة سنان اكتر من اتنين جنية ولما عرفت ان فيه فرشة بالكهربا بخمسين جنية اتصلت بامي وقلت لها انا اشتريت فرشة سنان بالكهرباء وافتكرتني اتهبلت وعموما ربنا يباركلك فى الفرشة الذهب بس خلي بالك تقع فى المحظور زي قارون رغم أنه كان من قوم موسى ولما اغتنى وقع فى المحظور ودي نصيحة لله من راجل مثل ابيك وأنا أظن أن فيك الخير.
