رانيا محمود ياسين ترد على منتقدي تعليقها عن منى زكى

ردت الفنانة رانيا محمود ياسين على منتقدى تصريحاتها , خلال برنامج "كلام الناس"،عن أزمة الفنانة منى زكى بشأن فيلم "اصحاب ولا اعز".

وشاركت رانيا بصورة لها من البرنامج عبر صفحتها الشخصية على انستجرام، معلقة: أنا نفسي ماتخدوش المنشتات اللي بتكتب في بعض المواقع للأسف، لأنها بتبقى مأخوذة من سياقها ولو في فيديو اسمعوا افضل.

واضافت رانيا : علشان الهدف من المنشتات دي أنهم يستفزوا الناس ويخلوا الناس قرفانة من الفنانين، ومش مهم الفنان ده يتكره أو يتشتم بأهله، المهم أنهم يعملوا مشاهدات للموقع، ويبقى في ريت للموقع وشتيمة وتريند.

وأضافت رانيا : أنا حواري الأخير في mbc مثلا، بعض المواقع أخدت الكلام بمنتهى الأمانة زي ما قولته، وفي ناس تانيه حطت منشتات مستفزة، لما المذيعة بتسألني إن جيلنا ناس كتير اتهرست علشان الظروف السياسية اللي مرت علي مصر في الـ 10 سنين اللي فاتوا.

واختتمت ياسين: قولت طبعا كتير مننا تأثر في مشواره الفني لكن مثلا منى زكي وغادة عادل، أثبتوا نفسهم، فيبان في المانشت إني بحقد على غادة ومنى، وأنهم أخدوا فرصة الجيل وإحنا لا.. وحقيقي شيء مقزز، وحسبي الله ونعم الوكيل في اللي يحرف الكلام عن مواضعه.