نقيب الممثلين عن " أصحاب ولا أعز":" ده تمثيل يا جماعة ومنى زكي مش مسئولة"
علق الفنان أشرف زكي نقيب المهن التمثيلية على الانتقادات الموجهة لفيلم أصحاب ولا أعز، الذي طُرح منذ بضعة أيام على منصة نتفليكس.
وقال زكي خلال مداخلة هاتفية مع الإعلامي عمرو أديب ببرنامج الحكاية: احنا نعرف ندافع عن فنانينا كويس، ومش فاهم الهجوم الكبير ده على إيه، يعني لو بعمل دور تاجر مخدرات وخلافه يبقى تحاكموني؟، ده تمثيل يا جماعة، منى زكي مش مسئولة عن رد فعل الجمهور، وممثل أدى دوره ونجح، نعاقبه على إيه؟، على إنه أدى دوره ببراعة؟.
وأضاف زكي: الفيلم معروض على نتفليكس، وشوفته مع أصدقاء وناس كتير، والكلام المثار عليه غير الحقيقة، ولما اتفرجت على الفيلم وكونا أنا ومجلس الإدارة وجهة نظر عنه مفادها إنه فيلم عادي، ومفيش فنان هيعاقب على دوره وإلا هنعاقب محمود المليجي، وهنطلع بكرا بيان رسمي نرد بيه على انتقادات فيلم أصحاب ولا أعز.
