مش لازم تخلف

تحليل حلمنتيشى

بقلم: د. منى حمدي

لكل ال بيتعاملوا مع أولادهم بقسوة ومبررهم "عشان بحبه " ، أحب أقولك أن النتيجة أن لما يكبر حيتقبل المعاملة الوحشة لأن مبررها الحب .. ويفضل طول الوقت يجذب ليه الشخصيات ال ليها نفس المبدأ

" الحب مبرر للقسوة " ، ال هو ف الحقيقة مش حب خالص لكن تملك ونرجسية وتشبث بموضع تنفيث للاضطراب النفسى،

التربية الخاطئة بمبررات غير سوية بتؤدى لانسان طول حياته يعانى ، الأباء والامهات غير الاسوياء أشد أذى وقسوة على الابناء من أى حد ممكن يقابله فى حياته ، لأنهم أذوهم فى موضع أمانهم ، فى منطقة الطمآنينة والثقة والراحة ،

متخلفوش وأنتوا مبتعرفوش تربوا
متخلفوش وأنتوا مش أسوياء
متخلفوش وأنتوا مش أهل للخلفة
متقولوش عايزه ابقى ام ، عايز ابقى أب
وانتم غير مؤهلين للامومة ولا الابوة ..

مش لازم تخلف

عالج نفسك الاول أو عيش مع نفسك عشان متأذيش اطفال ملهمش ذنب ، تمارس عليهم امراضك وعقدك النفسية

متخلفوش لمجرد اشباع انانيتكم واثبات قدرتكم ع التناسل لان الحيوانات بتتناسل ، مش إنجاز ، ولا مدعاة للفخر ، لكن ثقافة اللاوعى والتغيب والتخلف ولدت عندكم الافكار العقيمة دى وبتورثوها اجيال ورا اجيال ..

#مش_لازم_تخلف

#أنت_غير_مؤهل_للتربية

#اساليب_تربوية_غيرسوية

#تأملات_سيكولوجية

#جوكندا

#د_منى_حمدى