ياسمين علي : الوطن العربي يعشق الأغاني المصرية واؤيد قرار النقابة ضد مطربي المهرجانات
قالت المطربة ياسيمن على إن تكريمها فى لبنان و تونس أعطاها احساس جميل بتوسيع دائرة جمهورى و الوطن العربي يعشق الاغاني المصرية .
وأضافت خلال لقائها مع الإعلامى دكتور عمرو الليثى ببرنامجه واحد من الناس على شاشة الحياة ، ان الحركة الغنائية فى مصر بعافية بسبب قلة الانتاج ، و معظم المطربين بينتجوا لنفسهم و اعتقد ان ده مش صح لان شغتلنا مطربين بس .
وتابعت ياسمين ان موسيقى و اداء الراب لا يستهوينى ، و بالنسبة لى الغناء غناء لكن الايقاع السريع للكلمات و الموسيقى مش بحبه ، و بالنسبة لاغانى المهرجانات قالت ياسمين ان اذنها نظيفة و لا تقبل ان يعدى عليها مثل هذه الاغانى و للاسف بقى فيه اجبار ان الناس تسمع مثل هذه الاغانى ، و المشكلة ليست فى الجمهور بالعكس لو ان الجمهور هو اللى عاوز مهرجانات مكنتش انا طلعت و الناس سمعتنى .
وأشارت الى انها فخورة جدا بنقيبنا الاستاذ هانى شاكر و بدعمه انا و كل المطربيين و الموسيقين فى كل القرارات اللى اخدها فى الفترة الاخيرة ضد المهرجانات .
و اضافت ياسمين ان لها تجربة جيدة فى التمثيل مع الاستاذ حسنى صالح فى مسلسل " بت القبايل " فى دور صعيدية و الحمد لله الناس عجبهم الدور وكان فيه ردود فعل كويسه وحاليا بنصور مسلسل مع الاستاد حسنى صالح برضوا اسمه "الاسمرات" بيحكى عن حلم الناس البسطاء فى حي الاسمرات و ازاى حياتهم اختلفت .
