كندة علوش فى فيلم هندى

كشفت الفنانة كندة علوش، تفاصيل مشاركتها في فيلم هندي لأول مرة بعنوان "The yellow bus" للمخرجة الأمريكية ويندي بيدنارز، مؤكدة إن القصة جذبتها للعمل بها من أول قراءتها.

وقالت علوش في تصريحات تليفزيونية لها: "كنت بصور مشروع تاني، ولقيت المخرجة ويندي بيدنارز بتكلمني عن هذا الفيلم، في الأول كان في عندي أزمة في الوقت، ومكنتش قادرة أقولها أني موافقة على الفيلم، وقولتلها خليني اقرأه الأول.

واضافت كندة: أول ما قريت أول أربع صفحات قولت أنا لازم أكون موجودة بأي طريقة، الفيلم إنساني جدًا، وفيه عناصر عالمية في القصة نفسها مش بس كممثلين، وأنا بلعب دور ميرا مديرة المدرسة، وكان جديد ومختلف عليا، لأني بتحط أكتر في قالب الشخصيات المظلومة وكدا، وكنت بحاول الاقي شيء مشترك بيني وبين الشخصية".

واستكملت : "كنت في الفيلم كأني في كورس وبتعلم لأني بشتغل مع ممثلين من بوليوود اللي أنا بحترم حضارتهم ومبهورة بيها وبالسينما بتاعتهم.. وكل دا بالنسبالي إضافة كبيرة لمسيرتي الفنية".