بكتبله رسائل لحد لما أروحله.. رسالة مؤثرة من ابن الساحر فى الذكرى الخامسة على رحيل والده

حرص الفنان محمد محمود عبد العزيز على إحياء الذكرى الخامسة لوفاة والده الساحر محمود عبد العزيز التى تحل اليوم.

حيث كتب عبر حسابه على "فيس بوك" قائلًا: "غداً 12 نوفمبر 2016، الذكرى رقم 5 للرحيل، للفراق، لكل معانى الألم و الاشتياق... و اه و الف اه من الاشتياق".

وأضاف: "نصيحه لو ليك حد بتحبه وواحشك أوى و ما زال حى يرزق روحله ماتكلموش فى التليفون و ملى عينك منه، شم ريحته و اتكلم معاه فى أى حاجه استمتع بوجوده، و لو كان بعيد أوى و صعب تشوفه اتصل بيه، اسمع صوته و سمعه صوتك حسسه أد إيه هو مهم بالنسبالك و فارقلك قوله إنك بتحبه حتى لو كانت الكلمة مالهاش مكان فى الحوار".

واختتم : "أما لو كان رحل إلى دار الحق.... اعمل زيى، اكتبله رسايل واتصل برقمه اللى ممكن يكون اتلغى بس حسس نفسك إنه لسه موجود لحد ما تروحله و تتقابلوا تانى فى مكان مافيش فيه مكان للوجع او الفراق... اسألكم الفاتحه و الدعاء لابويا و لكل من رحلوا عنا".