محمود العربى .. حكايات تفوح منها رائحة الجنة رواها أهل القرية ورواد السوشيال ميديا

الجمعة 10/سبتمبر/2021 - 01:21 م

تحولت مواقع السوشيال ميديا إلى سرادق كبير تسابق فيه الآلاف من المغردين إلى تقديم واجب العزاء فى المغفور له بإذن الله شهبندر التجار الحاج محمود العربى .. وكتبوا بوستات عن أفعال الخير التى قدمها لهم الراحل بكل ود وحنان,

شاب : قابلت الحاج محمود العربى فى مصنع قويسنا علشان اشتغل .. سألنى انت متزوج ؟؟ قلت لأ ؟؟ قالى حنشغلك ونجوزك

قال أحمد مصطفى سلامة : " من حوالي 3 سنين لما خلصت الكلية قدمت في العربي وقعدت فترة محدش اتصل بيا روحت لوحدي قابلت الحاج محمود في قويسنا كنت فاكر ان راجل زي دا هيكون صعب اقابله تفاجئت ان الامن دخلني عادي في الدور "اي حد بيروح كان بيقابله"
ولما جت الفرصة ودخلت للحاج حسيت اني عرقان وخايف ومش عارف أجمع كلمتين علي بعض
سلمت عليه وسلم عليا والله والله والله قاللي نصًا أأمرني محتاج ايه
قولتله انا مقدم هنا وعايز اشتغل وسألني على المؤهل والعنوان
لما حس اني مهزوز حاول يهزر ويهديني وقاللي إنت متزوج قولتله لأ قاللي طيب مش عايز تتزوج قولتله بصراحة مش معايا فلوس ضحك وقاللي هنجوزك وقال لأخصائي التوظيف اللي واقف إعمله اللازم شكرته وجيت نازل وقفني ونادى على عامل البوفية وقال له ياخد واجبه العامل اخدني ودخلني مطعم كبار الزوار وخلصت الأكل التليفون رن إني عندي امتحان بكرة وامتحنت ونجحت
الحاج محمود توفى أمس وجنازته كانت النهاردة بعد عمر طويل في الخير وفتح بيوت ناس كتير
ربنا يرحمه ويسكنه الفردوس الأعلى بغير حساب ويبارك في ذريته ويصبرهم ويصبرنا جميعًا على فراقه" ..
قالت رضوى رضا فى تغريدة على تويتر : الانسان مبياخدش معاه الا السيرة والسمعة الطيبة لا فلوس ولا سلطة والراجل ده كان معاه الفلوس اللي تجيبله السلطة والنفوذ لكن عمره ما سعى ليهم او اهتم لامرهم ربنا يرحم صديق عماله ويحسن ختامنا جميعاً..

قال أحمد فراج من قرية جريس أنه كان يعمل بالقاهرة بشركة مراتب قامت الشركة بالتصفية ووقتها كان سنه تخطى الثلاثين وشركة العربى لا تقبل أكثر من ثلاثين عاماً وتقدم للتعيين بالشركة وتم رفضه مرات عديدة إلا أنه وصل إلى الحاج محمود العربى فى يوم جمعه بمسجد الرحمن الرحيم بصلاح سالم وحكى له قصته وعن تقدمه للشركة ورفضه من قبل الموارد البشرية بمجموعة العربى وقام بتوقيع الموافقة له على طلب التعيين ليشهد الاتصال من الشركة خلال نفس الأسبوع وتم تعيينه على الفور ومن يومها وهو يعمل بالشركة ويعود الفضل إلى الله سبحانه وتعالى ثم الحاج محمود العربى رئيس مجلس إدارة المجموعة .

قال رمضان حمدى : اشهد الله اني ما رأيت منه إلا الخير وما علمت عنه إلا الخير ،
رحيم بمن يعمل معه ، وبفقراء القريه وغيرهم، جابرا للخواطر، كافلا لليتيم. عاش مسالما ، لا يحب الظهور ، عمل كثيرا لاخرته وعلم أولاده وأحفاده وأهل قريته كتاب ربهم . كان رجل ينفق علي الناس ولا يخشي الفقر ، كان يقول للفقراء الله يرزقنا لأجلكم .

موضوعات ذات صلة :

قرية أبورقبة تتشح بالسواد حزناً على رحيل الحاج محمود العربى .. ومحافظ المنوفية ينعى الفقيد

محافظ المنوفية يتقدم جنازة رجل الأعمال " محمود العربي " بمسقط رأسه بأبو رقبة ويؤكد " العربي " نموذجاً مشرفاً للعطاء وستبقي أعماله خالدة في الوجدان
الآلاف ودعوا جثمان شهبندر التجار محمود العربى إلى مثواة الأخير.. بالفيديــو والصــور
وفاة الحاج محمود العربي