اخرها 20 سبتمبر .. تفاصيل مبادرة حورية فرغلى لتبني المواهب الشابة
دعماً منها للمواهب الشابة، نشرت الفنانة حورية فرغلي فيديو جديد تكشف فيه عن مبادرة لتبني المواهب الجديدة،من المحتمل أن تشاركها في عمل فني، وعلقت قائلة:"الفنان دائما بجمهوره و أنا جمهوري عظيم علشان كدا حبيت أرد جزء من تعبكم معايا و سؤالكم عليا و أنا تعبانة".
قالت" جمهوري يلي دايما بساندني ويلي أنا علشانو بصور مسلسل في لبنان يلي وعدتكم فيه، وعلشان انتوا دايما بتساعدوني ونفسي يكون لي دور بسيط بأي حد لديه موهبة".
أضافت "أي حد عنده مواهب يركز كويس لاني قررت أتبنى أفضل المواهب تضامنا مع شركة "مونو ميديا" هنساعد أي موهبة انها تظهر للناس و يمكن تشارك معايا في عمل فني قريب".
ثم ارفقت حورية شروط المبادرة، حيث كتبت عبر صفحتها الرسمية :"اى حد عنده موهبة يعمل فيديو و يجهز كدا علشان حان وقت العظمة
علشان تبقى فى الأمان ركز ف التعليمات دى
1- الفيديو لازم يكون جديد و معمول مخصوص للمسابقة
2- مدة الفيديو من دقيقة إلى دقيقتين
3- مينفعش تنزل الفيديو عندك قبل ماننزله
4- حقوق النشر كلها لشركة Mono Media بما انها الراعى الرسمى و هتساعدنا خطوة بخطوة ف ياريت نتابعها كلنا
5- هيبقى فى تصفيات لافضل المواهب بعد عرضها
6- أخر ميعاد لارسال الفيديو يوم 20 سبتمبر
7- ستقوم شركه مونو ميديا بنشر اللينك الخاص بالاشتراك في المسابقه و الذي سيمكنك من الاشتراك ببياناتك و الفيديو الذي ستشارك به
كل الخطوات السابقه ده هتوصل موهبتك ببساطه
ولأي استفسار تابع صفحة Mono media
وهتلاقي الحل و اخر update
تفاعل معها عدد من الجمهور الذي أثنى على الفكرة مشيدين باختلاف حورية وطريقة مساعدتها وشعورها بهذه المواهب, وتستعد حورية لمجموعة من النشاطات الفنية، حيث من المقرر أن تصور باقي مشاهدها بفيلم "براءة ريا وسكينة" مع وفاء عامر .
