بلوك
كلمات: مياده الشربيني
وبقينا فعصر التيك توك
وبقينا بنبيع ونشك
ومفيش أسهل من إننا
نعمل للجي والرايح
ف بلوك
ماتت وإدفنت أحاسيس
وقلوب قفلتها الترابيس
وكتير يتسلوا بحكاياتنا
والمهنه مازالت جواسيس
الطيب مبقاش له مكان
ولا حتى جميله وعرفان
ولاذكرى حلوه بتشفعله
من طيب وصفوه بخبيث
الإنسان في زمنا يضيع
والإشاعات تلحقه وتشيع
صيت الظلم وصل وإتمكن
واللي بيسمع بردو يذيع
زمن الفتنه بجد غريب
اللي بيغلط وإللي يعيب
وإللي بيحكي فكام حكيوه
فالتلوين
بارع وعجيب !!
ماحنا فزمن التيك والتوك
والنفس فنفسها بتشك
وأنا قلبي إتعلم م الدنيا
وع الباقي جواه
هيسك
وإللي يبيعه بلغة العصر
قلبى قفل
وعمله بلوك
