دنيا سمير غانم في اول تعليق لها " أنا يتيمة من غيرك يا أمي"

لاول مرة تخرج الفنانة دنيا سمير غانم، وتعلق على وفاة والدتها الفنانة دلال عبد العزيز ، حيث نشرت صورة تجمعهما وكتبت بعض الكلمات المؤثرة، وقلب مكسور .

قالت :"ماعنديش حاجة أقولها غير إني فعلا بقيت يتيمة من غيرك يا أمي ، انت علمتيني الرضا و أنا راضية و علمتيني أقول علي كل حاجة "الحمد لله" ، و أخر كلمة سمعتها منك قبل ما تمشي في عز عذابك و تعبك كانت "الحمد لله" .

أضافت :"أنا مش زعلانة لإني عارفة إنك عند ربنا الرحمن الرحيم الحافظ و مع بابي حبيبي لإنكوا خلصتوا رحلتكم و رسالتكم في الدنيا انا بس غصب عني بفضفض عشان انتوا هتوحشوني اوي.. بفضفض مع الناس الطيبة اللي دعائهم بيطمني عليكم و يصبرني.. ربنا يرحمكوا و يسعدكوا يا حبايبي يا أغلي الناس" .